有日下午，我朋友食完下午茶正打算收工o既时候，佢o地（突发组）突然勾到差佬线，听到嘉利大厦发生火警。呢件事好神奇，因为整幢楼根本冇人住。点解会着火？我朋友即刻跟线，发现原来系因为十四楼漏电所致，初步估计起因系微波炉漏电！呢层楼，绝对冇可能有人o系度，因为系烧死好多人o既一层，加上所有物品都烧毁，又点会有个微波炉仲可以正常运作？我朋友听到已经毛骨悚然。但系最恐惧系呢次系有人报警。呢个人又点知嘉利着火？事件追查o左好耐，根本查唔出呢个系咩人！

李终贵按：嘉利惨案的确系人间惨事，除o左系无妄之灾外，亦系人为错失。终贵谂起细个时，住o既大厦亦曾经发生一宗好细o既火警。

时终贵住o系三楼，楼下帐篷着火，但系已经系半夜两点。时家家早，十点已经全街冇人。所以半夜有火警根本唔会有人知。但系终贵阿妈突然惊醒，即刻叫齐终贵同兄弟姐妹走出屋，仲叫醒其他邻居，大家救火。

事后有人问终贵妈点解咁醒目，原来终贵妈半夜到迷糊之际，突然听见有人叫佢。佢睁开眼，见到有个长发女垂低头望住佢。

佢好惊。个人同佢讲：“你快起身，张系我o既。”终贵阿妈想起身但系又起唔到。跟住佢个心念佛经，只o野就唔见o左。佢惊到真系企返起身，就望见窗外着火。终贵只当佢发梦，唔敢肯定佢系咪真系见鬼。

Loading...

未加载完，尝试【刷新】or【关闭小说模式】or【关闭广告屏蔽】。

尝试更换【Firefox浏览器】or【Chrome谷歌浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.finalbooks.work

(＞人＜；)